Mannvit sá um hönnun og gerð útboðsgagna fyrir eldsneytisafgreiðslukerfi ISAVIA á Keflavíkurflugvelli. Allar lagnir liggja neðanjarðar og miklar kröfur eru gerðar um öryggi og vandaðan frágang þegar flugeldsneyti er annars vegar.

Um er að ræða nýja eldsneytisafgreiðslulögn ásamt afgreiðslu- og tengibrunnum í nýtt flughlað vestan flugstöðvarbyggingarinnar. Einnig nýja eldsneytisafgreiðslulögn sem tengir saman birgðastöð og núverandi afgreiðslulagnir við flugstöð.

Verkefni Mannvits fólst í hönnun lagnakerfis og gögnum fyrir jarðvegsvinnu- og frágang. Mannvit vann einnig útboðsgögn, verklýsingar og kostnaðaráætlun og hafði umsjón með innkaupum á sérhæfðum búnaði erlendis frá.