Mannvit sá um forhönnun og gerð útboðsgagna fyrir Nye Bø barnaskólann í sveitarfélaginu Hå kommune í Suður-Noregi. Hå kommune er rétt sunnan við Stavanger á vesturstönd Noregs. Þarna er nú að rísa um 8.000 fm skólabygging sem gert er ráð fyrir að tekin verði í notkun 2016. Mannvit sá um forhönnun á öllum fagsviðum verkfræðihönnunar, m.a. hönnun á burðarvirki, lögnum, loftræstingu, rafkerfi, hljóðvist, brunakerfi og veitum. Hluti af verkefni Mannvits var útgáfa alútboðsgagna fyrir framkvæmdir verktaka við skólabygginguna og útgáfa útboðsgagna fyrir jarðvinnu og bílastæði. Verkefnið er unnið í samstarfi við arkitektana Ola Roald AS Arkitektur fyrir Hå kommune.